• TAMBUA AINA KUU MBILI ZA PID

Maambukizi Katika Mfumo wa Uzazi wa Mwanamke (Pelvic Inflammatory Disease)

Imeandaliwa na: H. Dr. Thobias
MBOCHI HERBAL LIFE
📞 0741 220 000

---

Utangulizi

Maambukizi katika mfumo wa uzazi wa mwanamke, kitaalamu yakijulikana kama Pelvic Inflammatory Disease (PID), ni miongoni mwa matatizo makubwa ya afya ya uzazi yanayowaathiri wanawake wengi, hasa walio katika umri wa kuzaa. PID ikiwa haitatibiwa mapema inaweza kusababisha madhara makubwa kama utasa, mimba nje ya mfuko wa uzazi, na maumivu ya muda mrefu ya nyonga.

---

PID ni Nini?

PID ni maambukizi yanayoathiri viungo vya uzazi wa mwanamke ambavyo ni:

• Shingo ya kizazi (Cervicitis)

• Mfuko wa uzazi (Endometritis)

• Mirija ya uzazi (Salpingitis)

• Ovari (katika baadhi ya hali)

Maambukizi haya husababishwa zaidi na bakteria wanaoenea kutoka uke kwenda juu kwenye mfumo wa uzazi.

---

AINA KUU MBILI ZA PID

1. PID ya Papo kwa Papo (Acute PID)

Hii ni PID inayotokea ghafla na huwa na dalili kali

Dalili zake ni pamoja na:

• Maumivu makali ya tumbo la chini au nyonga

• Homa

• Utoko mchafu ukeni wenye harufu mbaya

• Maumivu wakati wa tendo la ndoa

• Maumivu wakati wa kukojoa

• Kichefuchefu na kutapika

👉 Hii huhitaji matibabu ya haraka ya kitaalamu.

---

2. PID ya Muda Mrefu (Chronic PID)

Hii hutokea pale PID ya awali haikutibiwa ipasavyo au ilirudiwa mara kwa mara.

Dalili zake ni:

• Maumivu ya nyonga ya mara kwa mara

• Maumivu wakati wa tendo la ndoa

• Hedhi zisizo za kawaida

• Ugumu wa kushika mimba (utasa)

👉 Aina hii ni hatari zaidi kwa sababu madhara yake huwa ya kudumu.

---

PID Husababishwa na Nini?

• Maambukizi ya Kisonono (Gonorrhea)

• Chlamydia trachomatis

• Ngono isiyo salama

• Maambukizi baada ya kujifungua

• Maambukizi baada ya kutoa mimba au mimba kutoka

• Matumizi ya kifaa cha uzazi wa mpango (IUCD) bila ufuatiliaji

• Maambukizi kupitia damu yenye vimelea

---

Dalili za PID

• Maumivu ya tumbo la chini

• Maumivu ya mgongo

• Utoko mchafu wenye harufu mbaya

• Kutokwa damu bila mpangilio

• Homa

• Maumivu wakati wa kukojoa

• Maumivu wakati wa tendo la ndoa

---

Vipimo vya Utambuzi wa PID

• Kipimo cha mkojo (ikiwemo cha mimba)

• Kipimo cha damu (Full Blood Picture)

• Kipimo cha utando wa shingo ya kizazi (Cervical culture)

• Vipimo vya magonjwa ya zinaa (STI)

• Ultrasound ya nyonga

---

Matibabu ya PID Hospitalini

PID hutibiwa kwa antibiotiki kulingana na miongozo ya afya (WHO na wizara ya afya).

Dawa hutolewa chini ya ushauri wa mtaalamu, mfano:

• Ceftriaxone + Doxycycline

• Clindamycin + Gentamycin

• Ampicillin + Sulbactam

⚠️ Haishauriwi kujitibu bila ushauri wa daktari.

---

TIBA YA NYUMBANI (KAMA MSAADA)

⚠️ Tiba hizi ni za kusaidia mwili, si mbadala wa hospitali.

Viungo:

1. Kitunguu saumu

2. Manjano

3. Kitunguu maji

4. Tangawizi

5. Asali

Namna ya Kuandaa:

• Saga viungo vyote

• Changanya na maji ya moto (usichemshe)

• Chuja

Matumizi:

Kunywa kikombe cha kahawa mara 3 kwa siku

---

Jinsi ya Kuzuia PID

• Kufanya ngono salama (kondomu)

• Kupima mara kwa mara magonjwa ya zinaa

• Kuwahi hospitali dalili zinapoanza

• Kuepuka ngono mara baada ya kujifungua au kutoa mimba

• Ufuatiliaji sahihi wa IUCD

---

Hitimisho

PID ni ugonjwa unaotibika ikiwa utagunduliwa mapema. Kupuuzia dalili kunaweza kuharibu kabisa mfumo wa uzazi wa mwanamke. Elimu, kinga, na matibabu sahihi ni nguzo kuu za kuokoa afya ya uzazi.

---

MBOCHI HERBAL LIFE

Madaktari Wanaoaminika | Tiba ya Asili | Ushauri wa Afya
0741 220 000